الزواج من عصر الرايقين الى عصر المنحوسين

فى مصر الفرعونية
العريس : مولاى الفرعون.. اسمحلى بالزواج من اختى " ميريت "
الفرعون: وافقنا على الزواج , وامرنا بنقل متاعها الى مخدعك.. مبروك يا تاح .

__________________________ ____

مصر بعد الفتح الاسلامى ابو العريس : ولدى " خالد " يا شيخ منصور يريد الزواج من كريمتكم البكر وهو ملك خيمة وسيقدم لها البعير مهرا ...
ابو العروسة: والله يا شيخ بدر ولدك خالد زين الرجال .. هيا يا رجال .. اقيموا الافراح

__________________________ ____

مصر سنة 1919ابوالعريس : انت هتتجوز بنت السيد عبد الجليل , وانا كلمته ووافق خلاص ..جهز اخواتك وانزل اشترى الخلخال والحلق .. وفرحك يوم الخميس اللى بعد الجاى .
العريس:مش كنت اشوفها الاول ؟؟
ابو العريس: اخرس يا ولد انت هتتجوز ولا هتخبص
العريس: اللى تشوفه حضرتك يا بابا .
__________________________ ____

مصر سنة 1960
ابو العروسة : يا روحية .. افرحى بنتك جالها عريس .. جدع وطيب وابن حلال ..موظف درجة سادسة وبياخد 12 جنيه فى الشهر, ايه رايك يا ام العروسة ؟؟؟
ام العروسة : يا الف نهار ابيض يا الف نهار مبروك والله العيال كبرت يا ابو سيد وهيكبرونا معاهم
ابو سيد : فشر ان دبلت الوردة ريحتها فيها يا روحيتى ..
__________________________ ____

مصر سنة 1975 ام العروسة : انا اللى يتجوز بنتى لازم يكون عنده شقة وعربية وسوبر ماركو
العروسة: بحبه يا ماما بحبه ..
امها: اخرسى يا بنت ... الحب يا حبيبتى مبياكلش همبورجر اليومين دول
العروسة: خلاص يا ماما اللى تشوفيه
______:rose_____________________ ___

مصر سنة 2000
ابو العروسة : ايه يا بنى هتدفع كام وهتشيل ؟؟
العريس: اللى تطلبه يا عمى ..
ابو العروسة : العفو يا ابنى ... احنا بنشتر رجالة .. وطلباتنا مش كتير شقة تمليك فى حته كويسة و25 الف جنيه مهر وحتحط زيهم فى الشبكة .. انت عارف يا حبيبى الدهب بقى نار اليومين دول .. وطبعا انت اللى عليك الاجهزة الكهربائية والسجاد والستاير وحاجات المطبخ وعليك فرش الشقة واحنا هنجيب الانتريه ووالله يا بنى كان نفسنا نساعدك فى الصينى بس ما باليد حيلة
العريس: ايوه يا عمى بس ده كتير اوى انا فى بدايه حياتى ولسه بكون نفسى ومعنديش المبلغ ده
ابو العروسة :خلاص اللى معندوش ميلزموش ..
العريس: انا كان قصدى نبدا مع بعض بشقة قانون جديد ودبلتين ومهر زى الشرع ما بيقول وفرح بسيط على ادنا
ابو العروسة : اه انت عاوز تاخدها ببلاش بقى وانا اكملك عليها شوية عفش .. يا حبيبى انا معنديش بنات للجواز .. واللى هيتجوز بنتى لازم يعرف يقدرها ويدفع تقلها دهب
العريس: بس يا عمى دى تبقى بيعة وشروة
ابو العروسة : انا قلت اللى عندى وعلى راى المثل " مالك مهنيها قال اصلى دافع دم قلبى فيها ...."
__________________________ _____

فى عام 2008 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللى عنده فكرة عن الزواج فى عام 2008 ممكن يشارك معانا

ههههههههههههههه

ميرسى على الموضوع يا مان

مشكووورررررررررررررررررررررررره